महासचिव मुनद्वारा पुरानै कार्यदेश सहित अनमिनको म्याद थप गर्न सिफारिस

महानगरीय प्रहरी परिसर हनुमानढोकाले विभिन्न स्थानबाट सकेटबम, हतियार, ब्राउनसुगर, नक्कली नोट सहितका आपराधिक कार्यमा संलग्न व्यक्तिहरुलाई पक्राउ गरी शनिबार सार्वजनिक गरेको छ ।
शुक्रबार पक्राउ पर्नेहरुमा साढे पाँच किलो ब्राउनसुगरसहित ठमेलस्थित खानसन गेस्ट हाउसमा बसेका पाकिस्तानी नागरिक ४१ वर्षीय  हुसैन अदरर र ३३ वर्षीय एर्सद मोहम्मद रहेका छन् ।
फागुन १० गते पाकिस्तान एयरलाइन्सबाट शरीरमा लुकाएर सो ब्राउनसुगर काठमाडौँ भित्र्याएको अनुसन्धानको क्रममा खुलेको महानगरीय प्रहरी परिसर हनुमानढोकाका प्रमुख तथा प्रहरी उपरीक्षक गणेश केसीले जानकारी दिनुभयो ।
त्यसैगरी प्रहरीले शनिबार बिहान ७ बजे चावहिल गोपीकृष्ण हल छेउबाट सुनसरी जिल्ला घर भई काठमाडौँमा बसोबास गर्ने ३० वषर्ीय सुरेन्द्रकुमार चौधरीलाई नेपाली नक्कली रु.पाँच सयका चौध थान नोटसहित पक्राउ गरेको छ ।
त्यस्तै शुक्रबार राति १० बजे बागबजारस्थित सङ्गम होटलमा लुटपाट गरिरहेको अवस्थामा अमेरिकामा निर्मित एकथान पेस्तोल र त्यसमा लाग्ने चार राउन्ड गोलीसहित झापा घर भई काठमाडौँ बस्ने २८ वषर्ीय प्रकाश राई, बारा घर भएका सन्तोष माझी र रोल्पा घर भएका खिमबहादुर डाँगीलाई प्रहरीले पक्राउ गरेको छ ।
त्यसैगरी गत बुधबार राति १०ः३० बजे ठमेलस्थित कोहिनुर होटलमा लुटपाट गर्न खोज्ने चार जनाको समूहलाई तीनथान सकेटबम र एक थान खुकुरीसहित प्रहरीले पक्राउ गरेको छ ।